Sjáðu þegar karlmenn láta vaxa á sér lappirnar í löturhægri endursýningu

Strákarnir í Slow Mo Guys eru þekktir fyrir að framleiða allskyns myndbönd þar sem þeir sýna mismunandi hluti í hægri endursýningu, mjög hægri endursýningu.

Myndböndin eru ávallt tekinn í fullri upplausn og því myndgæðin einstaklega góð. Síðan þegar hægt er á myndbandinu má sjá útkomuna í skemmtilegum búningi.

Eitt nýjasta myndbandið frá þeim félögum er af því þegar tveir karlmenn láta vaxa á sér lappirnar.

Útkoman er ótrúleg og má sjá hárin rifna frá húðinni og það í löturhægri endursýningu. Hér að neðan má sjá hvernig til tókst.