Hillary Duff biðst afsökunar á óviðeigandi hrekkjavökubúningi

Leikkonan Hillary Duff hefur beðist afsökunar á búningum sem hún og kærasti hennar, Jason Walsh, klæddust í hrekkjavökuteiti nú um helgina.

 

Búningar skötuhjúanna vöktu hörð viðbrögð en Walsh var klæddur eins og frumbyggi Norður-Ameríku á meðan Duff var íklædd búningi að hætti pílagríma. Þótti klæðnaður þeirra móðgandi í garð frumbyggja Ameríku. 

Jason Welsh baðst afsökunar á búning sínum á Instagram en Duff á Twitter.

„Ég hef aðdáun á frumbyggjum Ameríku,“ skrifaði Walsh á Instagram. „Ef ég lít til baka þá sé ég að ég hefði ekki átt að taka þessa ákvörðun,“ bætti hann við.

I am SO sorry to people I offended with my costume.It was not properly thought through and I am truly, from the bottom of my ❤️sorry.

— Hilary Duff (@HilaryDuff) October 30, 2016