Ekki eru nema tveir dagar þar til kosið verður til Alþingis og eru landsmenn margir hverir orðnir spenntir fyrir niðurstöðum kosninganna en alls eru 12 flokkar í framboði.

Kleinuhringjafyrirtækið Dunkin´ Donuts er nú komið með flokkakleinuhringi til sölu en þeir eru súkkulaðifylltir og merktir með kosningastöfum flokkanna.

Á föstudag kemur svo í ljós hvaða hringur hefur selst mest og vinningshafi Alhringiskosninganna 2016 verður kynntur. Gæti orðið fróðlegt að sjá muninn milli kosninganna og sölu á kleinuhringjum.

„Það myndast alltaf stemning í kringum alþingiskosningar enda mikilvægt mál fyrir okkur Íslendinga að kjósa. Þó svo að Alhringiskosningarnar hjá okkur á Dunkin séu nú langt frá því að vera eins mikilvægar og sjálfar alþingiskosningarnar á laugardag er um að gera að gaman að þessu líka,“ segir Sigurður Karlsson framkvæmdastjóri Dunkin´ Donuts á Íslandi.