Viðskipti innlent

Þrjú möstur Kröflulínu þutu upp á fyrsta degi

Kristján Már Unnarsson skrifar
Aukinnar bjartsýnir gætir nú um að kísilver á Bakka fái raforku í tæka tíð eftir að Kröflulína 4 fékk grænt ljós í fyrradag. Framkvæmdir við línulögnina fóru á fullt í gær, og tókst að reisa þrjú möstur yfir daginn, og er nú keppst í kappi við tímann að ná sem flestum upp áður en vetrarhörkur skella á. 

Verktakar Landsnets biðu ekki boðanna í gær og hófust þegar handa þegar ljóst var að Úrskurðarnefnd umhverfis- og auðlindamála hafði hafnað kröfu Landverndar um ógildingu framkvæmdaleyfis fyrir Kröflulínu.  Þar með hafði framkvæmdabanni verið aflétt á þessum kafla og var unnið svo rösklega í gær að þrjú möstur stóðu uppi í lok dags, en þau verða alls 193 á allri línuleiðinni.

Eitt af möstrum Kröflulínu 4 rís á móts við Gæsafjöll.Mynd/Landsnet.
Þótt menn bölvi því að hafa misst dýrmætan framkvæmdatíma í veðurblíðu haustsins er stefnt að því að vinna af krafti næstu vikur og eins langt inn í veturinn og veður leyfir. 

Eftir nýjustu vendingar í kærumálum er Landsnet nú komið með þrjú af fjórum framkvæmdaleyfum fyrir samtals 88 prósentum leiðarinnar, aðeins vantar nú leyfi fyrir sjö kílómetra kafla Þeistareykjalínu í landi Þingeyjarsveitar, en einnig er óútkljáð eignarnámsmál í landi Reykjahlíðar. 

Síðasta niðurstaða úrskurðarnefndarinnar þykir þó gefa fyrirheit um að fjórða og síðasta framkvæmdaleyfið fáist innan skamms, og að hornsteinn Þeistareykjavirkjunar hafi ekki verið lagður til einskis.

Séð yfir eitt mastranna úr lofti í gær. Ennþá er snjólaust á svæðinu, sem er í yfir 350 metra hæð yfir sjávarmáli.Mynd/Landsnet.
Í ráðamönnum á Húsavík er að minnsta kosti bjartsýnni tónn en fyrr í haust um að takast muni að afstýra meiriháttar fjárhagsáfalli og að virkjunin nái að skila raforku til kísilvers á Bakka á tilskildum tíma.  Það er þó háð því að vetrarveður stöðvi ekki línulögn á næstu vikum og að ekki dúkki upp fleiri kærumál. 

Um hvort fleiri kærur séu í farvatninu vildi talsmaður Landverndar hins vegar ekkert tjá sig í dag.

Hér sést hvernig möstrin líta út. Þrjú slík risu í gær.Mynd/Landsnet.

Tengdar fréttir

Ekki þörf á nýju umhverfismati fyrir Bakkalínur

Úrskurðarnefnd umhverfis- og auðlindamála fellst ekki á kæru Landverndar um að mat á umhverfisáhrifum háspennulína frá Kröflu og Þeistareykjum að Bakka sé úrelt eða forsendur fyrir því brostnar.

Uppbyggingu siglt í strand

Núverandi raforkuflutningskerfi er sprungið að sögn Landsnets. Þörf er á viðamiklum endurbótum á næstu árum.

Framkvæmdaleyfi Landsnets fyrir Kröflulínu fellt úr gildi

Úrskurðarnefnd umhverfis- og auðlindarmála felldi ákvörðun Skútustaðahrepps um veitingu leyfisins úr gildi. Taldi hún að ekki hafi verið gætt skipulags- og náttúruverndarlaga við undirbúning og málsmeðferð ákvörðunarinnar.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,9
82
106.936
ICESEA
0,41
2
6.086
VIS
0,32
9
191.838
ORIGO
0,24
3
1.239
BRIM
0
5
2.969

Mesta lækkun dagsins


Félag
Br.%
Fjöldi
Velta*
MAREL
-1,57
32
267.439
ARION
-1,24
25
511.397
HAGA
-1,24
10
421.666
SIMINN
-1,19
5
124.815
EIK
-1,13
3
4.919
Velkomin á Vísi. Þessi vefur notar vafrakökur. Sjá nánar.