Justin Bieber kominn til Íslands
Kanadíski tónlistarmaðurinn Justin Bieber er lentur en hann kom til landsins fyrir stundu og lenti á Reykjavíkurflugvelli í einkaþotu.
Bein útsending var frá lendingunni á Reykjavíkurflugvelli en nokkurn tíma tók fyrir starfsfólk flugvallarins að ræða við Bieber og föruneyti hans. Eftir nokkurt umstang gekk Bieber frá borði og voru líklega um hundrað manns að fylgjast með komu hans við flugvöllinn.
Upptöku frá komu Bieber má sjá hér að neðan.
Bieber heldur tvenna tónleika í Kórnum 8. og 9. september og eru yfir þrjátíu þúsund manns á leiðinni á tónleika með kappanum hér á landi.
Justin Bieber kom hingað til lands ásamt fríðu föruneyti og með honum er til að mynda plötusnúðurinn Jillionaire.
Bieber kom til landsins í fyrir tæpu ári og ferðaðist mikið um Suðurlandið. Hann heimsótti meðal annars Reykjanesbæ, Gullfoss og Geysi, Vestmannaeyjar, Fjaðrárgljúfur og fleiri staði. Þá tók hann upp myndbandið við lagið I'll Show You.
Tengdar fréttir
Bein útsending: Justin Bieber lendir í Reykjavík
Poppstjarnan lendir á Reykjavíkurflugvelli í dag.
Bieber kynnir nýju plötuna með myndbandi frá Íslandi
Bieber fór víða um hér á landi í september, bæði um landið sem og á samfélagsmiðlum.
Justin Bieber og félagar fóru víða: Alltaf draumurinn að koma til Íslands
"Við Justin vorum að tala um staði sem við höfðum aldrei heimsótt og við sögðum báðir Ísland,“ segir Rory Kramer, góðvinur Justin Bieber, á Instagram-síðu sinni en hann lenti með kanadísku poppstjörnunni á Keflavíkurflugvelli á mánudaginn.
Bieber á nærbuxunum í Fjaðrárgljúfri
Justin Bieber er heldur betur ennþá á landinu en hann birti rétt í þessu fallega mynd af sér á Calvin Klein nærbuxunum einum í Fjaðrárgljúfri við Kirkjubæjarklaustur.
