Viðskipti innlent

Verjandi Hreiðars Más segir hann ekki hafa verið í aðstöðu til að fylgjast með viðskiptunum

Sunna Kristín Hilmarsdóttir skrifar
Málið var tekið til meðferðar í Hæstarétti klukkan átta og mun standa fram eftir degi.
Málið var tekið til meðferðar í Hæstarétti klukkan átta og mun standa fram eftir degi. Vísir/GVA
Hreiðar Már Sigurðsson fyrrverandi forstjóri Kaupþings vissi ekki hvernig staðið var að kaup-og sölutilboðum hjá deild eigin viðskipta Kaupþings og þá vissi hann ekki hvernig viðskiptunum var háttað enda var hann ekki í aðstöðu til að fylgjast með þeim. Þetta kom fram í máli Harðar Felix Harðarsonar, verjanda Hreiðars Más, fyrir Hæstarétti í dag en þar fer fram málflutningur í markaðsmisnotkunarmáli Kaupþings.

Þar er Hreiðar Már ákærður ásamt átta öðrum fyrrverandi starfsmönnum Kaupþings, meðal annars þeim Sigurði Einarssyni fyrrverandi stjórnarformanni bankans og Ingólfi Helgasyni sem var forstjóri Kaupþings á Íslandi. Hreiðar Már var sakfelldur fyrir markaðsmisnotkun og umboðssvik í Héraðsdómi Reykjavíkur í fyrra, en ákæruvaldið vill meina að mikil viðskipti deildar eigin viðskipta Kaupþings með hlutabréf í bankanum sjálfum hafi miðað að því að halda verði bréfanna stöðugu.

Verjandi Hreiðars sagði að ekkert hafi gefið til kynna á þeim tíma þegar meint brot áttu sér stað að það væri óheimilt fyrir útgefendur hlutabréfa að stunda viðskipti með þau sömu bréf. Slík viðskipti hafi verið stunduð um árabil og fátt benti til þess að þau væru litin hornauga af eftirlitsaðilum á borð við Fjármálaeftirlitið.

Engir persónulegir hagsmunir

„Þannig verður það ekki með sanngirni sagt að hann hafi átt að sjá það fyrir að starfsemi eigin viðskipta hafi verið ólögmæt og refsiverð,“ sagði Hörður Felix og bætti við að hvorki hafi verið hægt að lesa það út úr refsilögum, fordæmum dómstóla eða í umfjöllun fræðimanna. Því ætti 69. grein við um skjólstæðing hans sem og 7. grein Mannréttindasáttmála Evrópu.

Þegar kom að refsiákvörðun í málinu lagði Hörður Felix áherslu á það að Hreiðar Már hefði ekki haft nokkra persónulega hagsmuni af þeim viðskiptum sem deilt er um í málinu. Því sagðist hann telja að ekki ætt að bæta neitt við fimm og hálfs árs dóm sem Hreiðar hlaut í Al Thani-málinu, fari svo að hann verði sakfelldur í þessu máli.

Þá rakti Hörður Felix hvernig Hreiðar Már hefur haft réttarstöðu sakbornings í rúm sjö ár, eða síðan í júní 2009.

„Hann hefur sætt rannsókn í á annan tug mála með handtökum, gæsluvarðhaldi, húsleitum og farbanni. [...] Þá voru fjögur sakamál rekin samtímis gegn skjólstæðingi mínum sem er án efa einsdæmi í réttarsögunni. [...] Það þarf ekki að hafa mörg orð um það álag sem felst í því að þurfa að verjast á mörgum vígstöðum samtímis, allt undir stöðugri neikvæðri umfjöllun fjölmiðla og á stundum ábyrgðarlausum ummælum forráðamanna þjóðarinnar og eftirlitsstofnana,“ sagði Hörður Felix og ítrekaði að hann taldi ekki efni til að gera Hreiðari Má frekari refsingu.  


Tengdar fréttir






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,12
25
452.643
SJOVA
2,27
25
193.534
ARION
2,16
46
1.361.687
MAREL
2,04
39
582.450
SIMINN
1,85
14
350.533

Mesta lækkun dagsins


Félag
Br.%
Fjöldi
Velta*
SKEL
-2,34
2
3.406
ICESEA
-1,18
7
13.751
BRIM
0
6
15.074
ORIGO
0
4
13.235
EIM
0
9
215.249
Velkomin á Vísi. Þessi vefur notar vafrakökur. Sjá nánar.