Sterkasti maður heims ársins 2016 er Brian Shaw en hann sigraði keppnina í dag með 54 stigum. Fast á hæla hans var Hafþór Júlíus Björnsson sem lauk keppni með 51 stig. Hafþór var í þriðja sæti eftir keppnir gærdagsins. Hann sigraði í tveimur keppnum í dag, bæði í flugvéladrætti og Atlas-steina þrautinni. Shaw náði þó að tryggja sér sigur í keppninni með því að ná öðru sæti í síðustu þrautinni.
Keppnin fór fram í Botswana og hlaut Fjallið mikinn stuðning frá heimamönnum sem ærðust eftir að hann sigraði í fyrri þraut dagsins.
Hafþór var þónokkuð á undan Eddie Hall sem endaði í þriðja sæti með 43 stig.
Þetta er í fjórða skipti sem Brian Shaw vinnur titilinn sem sterkasti maður heims en aðeins einn maður hefur unnið titillinn oftar. Hann hefur því unnið titilinn jafn oft og Magnús Ver Magnússon og Jón Páll Sigmarsson.
Brian Shaw sigraði Fjallið
Tengdar fréttir
Sterkasti maður heims: Hafþór þriðji fyrir lokadaginn
Hafþór Júlíus Björnsson er í góðri stöðu fyrir lokadaginn í keppninni um titilinn sterkasti maður heims.
Fjallið vann í flugvéladrætti og Botswana búar ærast
Hafþór Júlíus Björnsson vann fyrstu þraut dagsins í keppninni um Sterkasta mann heims sem fram fer í Botswana.
Fetar Hafþór í fótspor fyrirrennaranna?
Keppni er hafin í úrslitum keppninnar um sterkasta mann heims. Hafþór Júlíus Björnsson er fulltrúi Íslands í keppninni.
