Ungu strákarnir hans Alfreðs lögðu dýrasta lið heims

Stórliðin Kiel og PSG mættust í kvöld í frábærum handboltaleik í Meistaradeildinni.

Eftir mikil átök vann lið Alfreðs Gíslasonar, Kiel, dramatískan sigur, 28-27. Christian Zeitz skoraði lokamarkið 27 sekúndum fyrir leikslok. '

Þó svo PSG væri manni fleiri í lokasókninni þá tókst liðinu ekki að koma skoti á markið og leikmenn Kiel fögnuðu ógurlega.

Svíinn ungi Lukas Nilsson var markahæstur í þeirra liði með fimm mörk í fimm skotum. Austurríkismennirnir ungu, Nikola Bilyk og Raul Santos, skoruðu báðir fjögur mörk sem og Christian Zeitz.

Uwe Gensheimer skoraði tíu mörk fyrir PSG og Króatinn Luka Stepancic fimm.