Strákarnir komust ekki í undanúrslit

Ungu strákarnir okkar í U-20 ára landsliðinu í handbolta munu spila um fimmta til áttunda sætið á EM.

Það varð ljóst er Spánverjar unnu öruggan sigur á Póllandi, 23-14. Spánverjar fylgja því Frökkum í undanúrslitin en Ísland hafnar í þriðja sæti milliriðilsins.

Ísland fer því í leik næst um hvort það spili um fimmta eða sjöunda sætið í lokaleik sínum á mótinu.

Strákarnir steinlágu gegn Frökkum fyrr í dag og þurftu að treysta á pólskan sigur gegn Spáni en sá sigur kom ekki.