John Oliver gerir grín að vandræðalegum kynnum NBC

Breski þáttarstjórnandinn John Oliver gerði opnunarhátíð Ólympíuleikanna skil í þættinum Last Week Tonight síðastliðinn sunnudag.

Meðal þess sem Oliver gerði grín að í þetta skiptið voru vandræðalegir sjónvarpskynnar NBC, sem lýstu hátíðinni í Bandaríkjunum og fatnaður íþróttamannana þegar þeir gengu inn á leikvanginn.

Þá hnýtti Oliver einnig í kynna NBC fyrir að tala um óþarflega alvarlega hluti, líkt og hryðjuverkaárásirnar í Frakklandi, á þessum annars gleðiviðburði.

Innslagið má sjá í heild sinni í spilaranum hér fyrir neðan.