Lífið

Tara Brekkan sýnir sumarförðun fyrir verslunarmannahelgina

Stefán Árni Pálsson skrifar
Gott myndband fyrir helgina.
Gott myndband fyrir helgina.
Förðunarfræðingurinn Tara Brekkan Pétursdóttir birtir nýtt kennslumyndband á YouTube-síðu sinni þar sem hún sýnir einfalda, en fallega sumar förðun sem er tilvalin fyrir helgina. Tara verður með reglulega förðunarmyndbönd inni á Lífinu á næstunni.

„Þetta er sumarförðun og um að gera að nota þessa tækni um verslunarmannahelgina en þá meina ég kannski ekki alla þessa förðun heldur það sem fólk vill nýta sér. Mér finnst svo sniðugt að leika sér með glimmer, punkta, steina og fleira t.d fyrir Þjóðhátíð.

Það er mikið trend núna að setja glimmer eyeliner í glópuslínuna og ákvað ég að það yrði þemað mitt fyrir Verslunarmannahelgina eins og sést í myndbandinu.

Það er svo sniðugt fyrir vinahópinn að velja eitt einkenni fyrir Verslunarmannahelgina. Það hefur verið vinsælt fyrir vinahópinn að klæða sig í eins búninga en mig langaði að koma með hugmynd að förðun fyrir vinahópinn.

Þetta þarf ekki að vera flókin förðun. Sniðugt að setja svona glimmerlínu undir augnbeinið eins og ég geri í myndbandinu eða punkta í ákveðnum lit eða munstri á andlitið. Bara að allir séu í stíl

Ég fer í húðina hvernig er hægt að skyggja húðina á skemmtilegan og já skrýtinn hátt og hvernig ég highlighta húðina sem er mjög mikið trend núna,“ segir Tara með myndbandinu.

Tara útskrifaðist úr tísku- og ljósmyndaförðun frá Snyrtiakademíunni árið 2010 og hefur tekið að sér að farða fyrir ýmsa viðburði, jafnt stóra sem smáa.

Snapchat: Tara_makeupart

Heimasíða: https://www.makemyday.is/

Facebook: https://www.facebook.com/forduntara/

Instagram: Makeupart_tara



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.