Sigurður Ingi fer á EM

Sigurður Ingi Jóhannsson forsætisráðherra sækir þriðja leik Íslands á Evrópumótinu í knattspyrnu karla sem nú fer fram í Frakklandi. Leikurinn er loka leikur liðsins í F-riðli mótsins en mótherjarnir eru Austurríki og mætast liðin á Stadte de France á miðvikudaginn.

Forsætisráðherra mun einnig í ferð sinni eiga fund með aðstoðarframkvæmdastjóra Efnahags- og framfarastofnunar Evrópu (OECD) og sækja franska þingið heim. Þá tekur hann þátt í viðburði á vegum Fransk-íslenska verslunarráðsins á Signubökkum í tengslum við Evrópumótið og heimsækir svokallað Evróputorg. Þar eru landkynningar og ýmsar uppákomur fulltrúa þeirra þjóða sem eiga lið í keppninni.