99% sjónvarpsáhorfenda sáu Ísland-Ungverjaland

Rétt 98,9% sjónvarpsáhorfenda sáu leik Íslands og Ungverja á laugardaginn og helmingur landsmanna á aldrinum 12-80 ára horfði á leikinn frá upphafi til enda, eða 123 þúsund manns, að því er fram kemur í tilkynningu frá Símanum. 24 þúsund til viðbótar voru með annað augað á leiknum og sáu hann því 147 þúsund manns á aldrinum 12-80 ára.  

 

Landsmenn gátu, eins og í fyrsta leik Íslands á mótinu, valið að horfa á útsendingu Símans á RÚV, SíminnSport eða Sjónvarp Símans. Þannig verður það einnig á miðvikudag þegar skýrist hvort Ísland kemst í  16-liða úrslit mótsins.