Kvöldfréttir Stöðvar 2 í beinni

Júlíus Vífill Ingvarsson, fyrrverandi borgarfulltrúi Sjálfstæðisflokks, og Sveinbjörg Birna Sveinbjörnsdóttir, oddviti framsóknar- og flugvallarvina, sýndu litla borgaralega ábyrgðarkennd og grófu undan tiltrú almennings á kjörnum fulltrúum í Panamamálinu svokallað. Þetta er á meðal þess sem kemur fram í niðurstöðu siðnefndar Sambands íslenskra sveitarfélaga og fjallað verður um í kvöldfréttum Stöðvar 2. Rætt verður við Sóleyju Tómasdóttur, forseta borgarstjórnar, í fréttatímanum.

Einnig verður fjallað um niðurstöðu hæstaréttar er varðar útboðsskilmála Strætó bs. en fyrirtækið þarf að greiða Allrahanda ehf. hundrað milljónir króna vegna brota á eigin skilmálum. Allrahanda hyggst áfrýja niðurstöðunni.

Þá verðum við í beinni frá Öskjuhlíðinni og ræðum við ásatrúarmenn um sumarsólstöður en einnig verður fjallað ítarlega um mögulega útgöngu Bretlands úr ESB en aðeins eru fjórir dagar þangað til að Bretar ganga að kjörborðinu.