Mikið tjón eftir eldsvoða í Garði

Mikið tjón varð þegar eldur kviknaði í bílskúr og barst svo inn í sambyggt einbýlishús í Garði á Reykjanesi í gærkvöldi, en engan sakaði. Þegar fyrstu slökkviliðsmenn Brunavarna Suðurnesja komu á  vettvang logaði mikill eldur  og lagði reyk yfir byggðina sem sást alveg frá Keflavík.

Aukalið var þegar kallað út og tók töluverðan tíma á ráða endanlega niðurlögum eldsins því rjúfa þurfti þekju hússins á kafla til að drepa í glæðum.

Aðgerðum lauk  upp úr miðnætti og er lögreglan á Suðurnesjum að hefja rannsókn á eldsupptökum.

Kona, sem býr í húsinu var til öryggis flutt á heilsugæslustöð vegna gruns um reykeitrun, en hún reyndist heil heilsu.