Handtekinn vegna heimilisofbeldis

Lögreglan á höfuðborgarsvæðinu hafði í nógu að snúast í nótt. Rétt fyrir miðnætti í gærkvöldi barst lögreglunni tilkynningu um heimilisofbeldi og líkamsárás í heimahúsi í vesturbænum. Var karlmaður handtekinn og vistaður í fangageymslu vegna frekari rannsóknar.

Á öðrum tímanum í nótt var tilkynnt um eld í bílskúr við Snorrabraut. Slökkvilið höfuðborgarsvæðisins var kallað á vettvang og gekk greiðlega að slökkva eldinn og sakaði engan.

Á þriðja tímanum í nótt var tilkynnt um líkamsárás í Hafnarfirði. Samkvæmt dagbók lögreglu var um átök pars að ræða eða karlmaður var handtekinn á vettvangi og vistaður í fangageymslu vegna málsins.

Á fjórða tímanum í nótt urðu lögreglumenn vitni að því þegar karlmaður sló mann í andlitið í miðbænum. Var árásaraðilinn handtekinn og vistaður í fangageymslu.

Á fimmta tímanum í nótt barst lögreglu tilkynningu um konu sem hafði dottið í miðbænum. Hún var flutt á slysadeild en hún fann til í baki og hálsi. 

Á sjötta tímanum í morgun var karlmaður handtekinn þar sem hann var að reyna að kveikja í húsnæði í austurbænum. Hann vistaður í fangageymslu vegna málsins.