Einn handtekinn vegna gruns um heimilisofbeldi

Nokkur erill var hjá Lögreglunni á höfuðborgarsvæðinu í gærkvöldi. Þrír ökumenn voru stöðvaðir og kærðir fyrir akstur undir áhrifum áfengis eða fíkniefna og þar af var einn þeirra þegar sviptur ökuréttindum. Þá var einn ökumaður stöðvaður í Ártúnsbrekku á 110 kílómetra hraða á klukkustund þar sem hármarkshraði er áttatíu kílómetrar á klukkustund.

Umferðaróhapp varð við Gullteig í gærkvöldi þar sem tvær biðreiðar rákust saman. Ökumaður annarrar bifreiðarinnar stakk af frá vettvangi án þess að kanna með skemmdir eða meiðsli. Hans er nú leitað.

Þá var lögregla var kölluð að heimili í Kópavogi í gærkvöldi vegna tilkynningar um heimilisofbeldi. Í framhaldi var einn aðili handtekinn og vistaður í fangageymslum lögreglu.