Lögreglan auglýsir eftir göngumanninum

Lögreglan á höfuðborgarsvæðinu óskar eftir upplýsingum um breskan göngumann, Colin Smith 58 ára, sem varð viðskila við göngufélaga sína við Selsvelli á Reykjanesi í gær. Vísir hefur fjallað um málið í dag.

„Þar höfðu þeir gist yfir nótt en Colin lagði af stað á undan ferðafélögum sínum. Ætluðu mennirnir að ganga frá Selsvölum að Djúpavatni, þaðan að Kaldárseli og yfir í Bláfjöll. Colin er meðalmaður í vexti og er meðfylgjandi ljósmynd ný af honum.“

Skyggni er slæmt á svæðinu en um 150 leitarmenn taka þátt í aðgerðum. Fáar vísbendingar hafa borist en þó taldi einn íslenskur göngumaður sig hafa séð Colin í dag. Þó er ekki staðfest að um sama mann hafi verið að ræða. Þessi vísbending er nýtt við leitina.

Sjá einnig: Göngumaðurinn týndur í sólarhring: Skyggni slæmt og vísbendingar fáar

„Þeir sem einhverjar upplýsingar hafa eru beðnir um að hafa samband við lögreglu í s. 444-1000 eða Landsbjörg s. 841-5012.“