Milljónir horfa á móður ærast af gleði með nýju Chewbacca grímuna

Candace Payne er án efa glaðasta konan í heiminum í dag. Hún ákvað í gær að gefa sjálfri sér afmælisgjöf og var hún ekkert lítið ánægð með kaupin.

Payne ákvað að sýna frá því beint á Facebook þegar hún opnaði pakkann og setti upp glænýja Chewbacca grímu, en flestir kannast við Chewbacca úr Star Wars myndunum.

Hana óraði varla fyrir því sem átti eftir að gerast næst en fimmtán klukkustundum síðar hafa um fimmtán milljónir manna horft á myndbandið af henni gjörsamlega ærast af gleði inni í bílnum sínum.

Um er að ræða eitthvað allra vinsælasta myndbandið í heiminum í dag og eitt mest „viral“ myndband sem hreinlega hefur komið fram.