Sinead O´Connor fannst heil á húfi

Lögreglumenn í Chicago leita nú að írsku tónlistarkonunni Sinead O'Connor. Hennar hefur verið saknað síðan í gær. Sagt er frá málinu á BBC.

O'Connor fór í hjólatúr í gærmorgun og hefur ekki skilað sér aftur í kjölfar hans. Í yfirlýsingu frá lögreglunni er lýst yfir áhyggjum með heilsufar hennar.

Tónlistarkonan hefur löngum glímt við ýmsa geðkvilla og meðal annars reynt að fyrirfara sér. Ekki hefur verið gefið út hvort það tengist leitinni nú á einhvern hátt.

Uppfært 19.36: Tónlistarkonan er fundin heil á húfi en þetta staðfestir lögreglumaður í borginni í samtali við The Hollywood Reporter. Ekki fæst gefið upp hvar eða í hvernig aðstæðum O'Connor fannst.