Kvöldfréttir Stöðvar 2: Segir rökstuðning forseta barnalegan

Í kvöldfréttum Stöðvar 2 verður rætt við Þorstein Pálsson, fyrrverandi forsætisráðherra, sem segir rökstuðning forseta fyrir því að gefa kost á sér í sjötta sinn vera barnalegan og ekki halda vatni.

Áhrif ákvörðunar Ólafs Ragnar Grímssonar hefur þegar haft töluverð áhrif enda hafa þrír forsetaframbjóðendur dregið framboð sitt til baka og aðrir sem hafa íhugað framboð, þar á meðal Guðrún Nordal, forstöðumaður Árnastofnunar, hefur frestað framboði sínu.

Þá verður fjallað um hálendi Íslands sem sannarlega er ekki ósnert en fjögur þúsund kílómetrar af vegum þræða hálendið. Þar er einnig að finna tvö hundruð og fimmtíu hús og þrjátíu og fimm stíflur. 

Einnig verður fjallað um Barnamenningarhátíð sem var sett með pompi og prakt í Hörpu í dag. Þetta og margt fleira í kvöldfréttum Stöðvar 2, klukkan 18:30 á samtengdum rásum Stöðvar 2 og Bylgjunnar og í beinni útsendingu á fréttavefnum Vísi.