Snorri Steinn fluttur á sjúkrahús

Óttast er að Snorri Steinn Guðjónsson sé fótbrotinn en hann meiddist í leiknum gegn Noregi í kvöld.

„Þetta leit því miður ekki vel út og við óttumst að hann sé brotinn. Hann er farinn upp á spítala núna í skoðanir“ segir Geir Sveinsson landsliðsins.

Snorri meiddist á rist strax á upphafsmínútum leiksins. Geir sagðist ekki hafa séð nægilega vel hvað hefði gerst.

Snorri hefur leikið einstaklega vel í Frakklandi í vetur og meiðslin eru því áfall fyrir hans lið. Það verður þó að koma í ljós síðar í kvöld hvort hann sé brotinn eður ei.