Alexander og Stefán Rafn þurftu að gera þrekæfingar á ganginum | Myndband

Alexander Petersson og Stefán Rafn Sigurmannsson, landsliðsmenn Íslands í handbolta, komu ekkert við sögu þegar Rhein-Neckar Löwen vann flottan útsigur á HC Prvo Zagreb, 24-23, í Meistaradeild Evrópu í gær.

Um var að ræða fyrri leik liðanna í 16 liða úrslitum Meistaradeildarinnar og Ljónin frá Mannheim því í flottum málum fyrir seinni leikinn sem fram fer á heimavelli Löwen.

Þrátt fyrir að koma ekkert við sögu í leiknum fengu Íslendingarnir og sænski landsliðsmarkvörðurinn Mikael Appelgren að taka hressilega á því.

Einn þjálfara liðsins fór með þremenninganna fram á gang í íþróttahöllinni Zagreb og lét þá gera þrekæfingar. Alexander gerði þær að sjálfsögðu ber að ofan og hafði lítið fyrir þeim. Mikael Appelgren blés aðeins meira en íslenski landsliðsmaðurinn.

Alexander birti stutt myndband af þessum æfingum á Instagram-síðu sinni en það má sjá hér að neðan.

Workout after the match We didn't play though #1team1ziel #loewenlive @ssigurmannsson @apl1337 #rheinneckarlöwen

A video posted by Alexander Petersson (@alexanderpetersson32) on Mar 19, 2016 at 4:47pm PDT