Sló Jerome Hill Helga Margeirs?

Keflvíkingar unnu frábæran sigur á Tindastól, 95-71, í 8-liða úrslitum Dominos-deildar karla og náðu því að minnka muninn í 2-1 í einvígi liðanna.

Vinna þarf þrjá leiki til að komast í undanúrslitin og náðu suðurnesjamenn að galopna einvígið.

Umdeilt atvik átti sér stað í leiknum þegar Jerome Hill virtust slá til Helga Margeirssonar og féll hann í gólfið eftir atvikið.

Dómarar leiksins virtust ekki sjá atvikið og voru Stólarnir mjög pirraðir út í Hill. Jerome Hill lék fyrr í vetur með Tindastólsmönnum og er greinilega mikill hiti milli hans og Tindastólsmanna.

Hér að neðan má sjá atvikið sem tekið var fyrir í Körfuboltakvöldinu í gærkvöldi.