Norður Kóreumenn skutu eldflaugum á haf út í mótmælaskyni

Norður Kóreumenn skutu nokkrum skammdrægum eldflaugum í sjóinn undan ströndum landsins í nótt, að sögn suður kóreska varnarmálaráðuneytisins. Aðgerðir Norðanmanna koma aðeins nokkrum klukkustundrum eftir að Öryggisráð Sameinuðu þjóðanna ákvað einróma að herða enn viðskiptabannið gegn ríkinu og hafa þær þvinganir aldrei verið harðari.

Talsmenn Suður Kóreumanna segjast enn vera að rannsaka hverskyns eldflaugum var skotið á loft en þeir staðfesta þó að allar hafi flaugarnar lent í sjónum en ekki á þeirra landshluta á Kóreuskaganum.