Nýtt gervitungl nær frábærum myndum af jörðinni

Nýju gervitungli Evrópsku geimstöðvarinnar, ESA, var skotið á loft fyrir um tveimur vikum síðan. Gervitunglið heitir Sentinel-3A og er ætlað að fylgjast með vistkerfum hafsins. Nokkrar stórfenglegar myndir hafa nú borist frá gervitunglinu.

Myndirnar voru fangaðar með myndavélakerfi sem notað verður til að greina lit hafsins og jarðarinnar. Gervihnötturinn verður einnig notaður til að fylgjast með vistkerfum á landi sem og vatnsforðum.

Frekari upplýsingar um Sentinel-3A má finna á vef ESA.