Grótta á toppnum

Nokkrir leikir fóru fram í Olís-deild kvenna í handknattleik í dag. HK vann fínan sigur á FH, 21-18, í Kaplakrika en staðan var 11-9 fyrir FH í hálfleik.

Grótta vann góðan sigur á Selfossi á Seltjarnarnesinu, 28-23, og er liðið á toppi deildarinnar. Grótta var sjö mörkum yfir í hálfleik, 16-9.

Sunna María Einarsdóttir skoraði sjö mörk fyrir Gróttu í leiknum en Hrafnhildur Hanna Þrastardóttir var með heil 11 mörk fyrir Selfyssinga.

ÍBV vann KA/Þór fyrir norðan 29-25 en staðan í hálfleik var 15-14 fyrir KA/Þór. Drífa Þorvaldsdóttir skoraði 11 mörk fyrir ÍBV í leiknum.

Eyjastúlkur eru því enn í þriðja sæti deildarinnar eftir sigurinn.