Viðurkenning til Norðursiglingar

Norðursigling hefur verið tilnefnd til verðlauna Alþjóðlega ferðamálaráðsins (World Travel & Tourism Council – WTTC) árið 2016, en WTTC Tourism for Tomorrow Awards eru ein allra virtustu verðlaun sem veitt eru innan ferðaþjónustunnar. Þau 15 fyrirtæki sem tilnefnd hafa verið voru valin úr hundruðum umsókna sem bárust frá 62 löndum í öllum heimsálfum. Norðursigling er eina norræna fyrirtækið sem komst í úrslit í ár og er eitt þriggja fyrirtækja sem tilnefnd eru í flokki nýsköpunar. Norðursigling er einnig í úrtaki 10 fyrirtækja sem tilnefnd eru til stærstu umhverfis- og viðskiptaverðlauna Evrópu, GreenTec Awards 2016. Norðursigling vann silfurverðlaun á World Responsible Tourism Awards síðastliðið haust.  – shá