Neitar að yfirgefa Guantanamo Bay

Þegar flytja átti hinn 35 ára gamla Muhammad Bawazir frá Guantanamo fangelsinu í Kúbu ásamt tveimur öðrum föngum, neitaði hann að stíga upp í flugvélina. Flytja átti fangana til Balkanskagans þar sem þeim stendur ekki til boða að fara til heimalanda sinna. Hann fer fram á að vera sendur til lands þar sem hann á skyldmenni.

Bawazir fer fram á að vera komið fyrir í landi þar sem hann á skyldmenni. Lögmaður hans segist hafa tekist að sannfæra hann um að fara með flugvélinni, en hann hafi hætt við á síðustu stundu.

Bawazir var 21 árs þegar hann var tekinn höndum í Afganistan.

Þetta er ekki í fyrsta sinn sem fangi neitar að vera fluttur frá Guantanamo, en hingað til hafa þeir neitað að fara til heimalanda sinna af ótta við að vera fangelsaðir aftur þar. Bawazir er frá Jemen en hann getur ekki snúið aftur þangað vegna styrjaldarinnar sem þar geisar.

Enn eru 91 fangi í Guantanamo en unnið er að því loka fangelsinu og er búið að flytja 16 manns úr því í þessum mánuði.

Bawazir var um árabil í hungurverkfalli til að mótmæla veru sinni í fangelsinu. Fangaverðir þurftu að neyða mat ofaní hann en á einum tímapunkti var hann orðinn 41 kíló að þyngd.