Breskir skop­mynda­teiknarar hæðast að dönskum stjórn­völdum

Skopmyndateiknarar hæðast að danska forsætisráðherranum og stjórnarflokknum í bresku blöðunum Guardian og Independent í morgun.

Ástæðan eru umdeild lög um flóttafólk sem þingið samþykkti í morgun. Lögin heimila fulltrúum danskra yfirvalda að gera verðmætar eignir flóttafólks upptækar til að fjármagna uppihald.

Steve Bell, teiknari Guardian, teiknar forsætisráðherrann Lars Løkke Rasmussen í búningi sem minnir á nasistabúning og er hann umkringdur legókubbum og svíni. Á myndinni stendur svo: „Venstre – líklegast heimskasti stjórnmálaflokkur í heimi“.

Teiknari Independent velur að teikna Litlu hafmeyjuna sem þakin er skartgripum, sem er þá vísun í að lögin heimili yfirvöldum að gera verðmæta skartgripi flóttamanna upptæka.

Sjá má myndirnar að neðan.

Steve Bell on Denmark seizing refugees' assets – cartoon https://t.co/D7tJKfK63g pic.twitter.com/fsGx6dHxSI

— The Guardian (@guardian) January 26, 2016

As expected,Danish parliament has passed anti-refugee laws, incl seizing valuables and delaying family reunification https://t.co/mWlGp6eI5y

— Lizzie Dearden (@lizziedearden) January 26, 2016