Innlent

Fjögurra bíla árekstur í Ártúnsbrekku

Kolbeinn Tumi Daðason skrifar
Nokkrar tafir urðu á umferð í Ártúnsbrekku í morgun vegna árekstursins.
Nokkrar tafir urðu á umferð í Ártúnsbrekku í morgun vegna árekstursins. Vísir/Pjetur
Fjögurra bíla árekstur varð í Ártúnsbrekkunni á níunda tímanum í morgun. Nokkrar tafir urðu á umferð vegna þessa.

Ekki var óskað eftir aðstoð sjúkrabíls svo gera má ráð fyrir að meiðsli séu minniháttar ef einhver eru.

Færð á Hellisheið er nokkuð slæm en þar er töluverður skafrenningur. Hefur þurft að draga að minnsta kosti einn bíl af heiðinni í morgun vegna þessa.

 Færð og aðstæður af vef Vegagerðarinnar:

Það er hálka eða hálkublettir á flestum leiðum á Suðurlandi en þæfingsfærð á Suðurstrandavegi og nokkrum öðrum vegum í uppsveitum. Skafrenningur er á Hellisheiði og víða fyrir austan fjall.

 Hálka og snjóþekja er á Vesturlandi og víða skafrenningur. Þæfingsfærð er um Heydal og á Útnesvegi. Ófært er á Fróðárheiði og beðið með mokstur vegna veðurs.

 Á Vestfjörðum er hálka eða snjóþekja á flestum leiðum  en ófært á Klettshálsi en unnið að hreinsun.

 Hálka eða hálkublettir eru víða á Norðurlandi vestra en á Norðausturlandi er hálka eða snjóþekja. Snjókoma eða éljagangur er í Eyjafirði og með norðausturströndinni.

 Á Austurlandi er hálka eða hálkublettir en greiðfært er á Fagradal og suður að Hvalnesi en þar tekur við hálka  með suðausturströndinni. Skafrenningur  er í Öræfasveit og á Skeiðarársandi.

 Litla Botnsá í Hvalfirði

 Vegna vinnu við brú á Litlu-Botnsá í Hvalfirði verður brúin lokuð um tíma og ekki hægt að aka að bílastæði hjá fossinum Glym en hægt verður að komast fótgandandi. Áætlað er að brúin verði lokuð til 1. febrúar.

Nánar á vef Vegagerðarinnar.

Mest lesið


Fleiri fréttir

Sjá meira


×

Mest lesið