Fljúgandi hálka á landinu

Vegfarendur eru beðnir um að fara öllu með gát í dag en víða á landinu er fljúgandi hálka.

Þannig eru snjóþekja og hálkublettir á Reykjanesi og eitthvað um éljagang. Samkvæmt upplýsingum frá Vegagerðinni eru vegir mikið auðir á Suðurlandi þótt hálka eða hálkublettir séu á fáeinum stöðum, einkum á útvegum.

Hálkublettir eru í Borgarfirði og á Mýrum en hálka og snjóþekja er á Snæfellsnesi og eitthvað um éljagang. Hálka er í Svínadal og hálkublettir á Vestfjörðum. Þó er hálka á fjallvegum.

Að sama skapi eru hálkublettir í Húnavatnssýslum og Skagafirði en nokkur hálka er þó á sumum sveitavegum. Hálka er á Öxnadalsheiði en á Norðurlandi eystra er víða hálka. Éljagangur og snjóþekja er með norðausturströndinni.

Á Austurlandi er hálka eða snjóþekja, eitthvað um éljagang og snjókomu og á Suðausturlandi er hálka frá Breiðdalsvík í Kvísker.

Þá biður Vegagerðin vegfarendur um að sýna aðgát á Meleyri við Breiðdalsvík vegna skemmda.