Sundmiðinn dýrastur í Reykjavík og Árborg

Niðurstöður könnunar sem verðlagseftirlit ASÍ gerði á verðbreytingum á gjaldskrám sundstaða hjá 15 stærstu sveitarfélögum landsins á milli ára sýna að stakur sundmiði fyrir fullorðna er dýrastur í Reykjavík og Árborg þar sem hann kostar 900 krónur.

Þá varð jafnframt mesta hækkunin hjá þessum tveimur sveitarfélögum, af þeim þrettán sem hækkað hafa verðið frá því í fyrra, en í Árborg nemur hækkunin 50 prósentum, fer úr 600 krónum í 900, og í Reykjavík 38 prósentum, fer úr 650 krónum í 900 krónur. Á Seltjarnarnesi og Fljótsdalshéraði stóð verðið á stökum sundmiða fyrir fullorðna í stað frá því í fyrra.

Í öðrum sveitarfélögum hefur sundmiðinn hækkað mismikið á milli ára. Hjá Reykjanesbæ fer sundmiðinn úr til að mynda úr 550 krónum í 700 krónur, á Akureyri úr 600 krónum í 700, í Garðabæ úr 500 krónum í 600 og í Kópavogi úr 590 krónum í 700 krónur.

Nánari upplýsingar um verðlagskönnun ASÍ má nálgast hér.