Sundmiðinn mun kosta 900 krónur eftir næstu mánaðamót

Aðgöngumiðinn í sundlaugar Reykjavíkurborgar mun hækka um næstu mánaðamót í 900 krónur úr 650 krónum. Þetta var samþykkt á fundi borgarráðs í dag.

Þetta er liður í aðgerðaráætlun borgarráðs í fjármálum. Það var borgarstjóri sem lagði málið til. Ekki er lagt til að dýrara verði fyrir börn að fara í sund en nú þurfa þau að greiða 140 krónur. Þetta er önnur hækkunin á skömmum tíma en sundmiðinn kostaði 600 krónur í upphafi árs 2014. Einnig er stefnir borgin að því að gjaldtaka verði allan ársins hring á ylströndinni í Nauthólsvík.

Líkt og áður hefur komið fram var tillagan samþykkt en borgarfulltrúar Sjálfstæðisflokksins sátu hjá.