Einn með 1. vinning: Fær 14 milljónir króna

Heppinn miðaeigandi sem keypti miðann sinn í Vídeómarkaðnum við Hamraborg í Kópavogi var einn með allar tölurnar réttar og fær hann rúmlega 14,7 milljónir í vinning. 

Fjórir skiptu með sér bónusvinningnum og hlýtur hver um sig rúmlega 161 þúsund krónur, miðarnir voru keyptir á eftirtöldum stöðum: N1 við Ægissíðu í Reykjavík, Olís við Álfheima í Reykjavík, Samkaup Úrvali á Grundarfirði og einn er í áskrift.

Einn miði var með allar Jókertölurnar réttar og í réttri röð og fær eigandi hans 2 milljónir í vinning, miðinn er í áskrift.

Þrír voru með fjórar réttar tölur í Jókernum og fá 100 þúsund kall í vinning, einn miðinn var keyptur í Skýlinu í Vestmannaeyjum, annar í Olís á Neskaupstað og sá þriðji í Veganesti við Hörgárbraut á Akureyri.