Sjáðu stafrófið séð frá geimnum

Starfsmenn NASA, Geimvísindastofnunnar Bandaríkjanna, eru líklega sniðugri en flestir, hverjir aðrir geta komið mönnum á tunglið eða bjargað Matt Damon á ævintýralegan hátt frá Mars?

Fyrir nokkrum árum síðan rakst Adam Voiland, starfsmaður NASA, á stafinn V er hann var að skoða gervihnattamyndir af landsvæði í Kanada. Skyndilega fékk hann þá stórgóðu hugmynd að sjá hvort hann gæti fundið alla stafi stafrófsins á jörðinni.

Með dyggri hjálp lesenda og samstarfsmanna sinna tókst honum að klára verkið seint á síðasta ári og birti hann myndir af stafrófinu svo að hver sem er gæti notið þess.

Á myndunum má sjá jarðnesk fyrirbæri hvaðanæva af jörðinni mynda stafi en þær eiga allar það sameiginlegt að vera teknar úr geimnum. Stafrófið er vitaskuld hið enska enda Voiland enskumælandi maður.

Sjá má alla stafina í enska stafrófinu, séð frá geimnum, í albúminu hér fyrir neðan.