Helgi og Sonja Íþróttafólk ársins hjá fötluðum Óskar Ófeigur Jónsson skrifar 6. desember 2016 15:54 Helgi Sveinsson og Sonja Sigurðardóttir eru íþróttafólk ársins hjá fötluðum. Vísir/Eyþór Frjálsíþróttamaðurinn Helgi Sveinsson og sundkonan Sonja Sigurðardóttir voru í dag útnefnd íþróttamaður og íþróttakona ársins úr röðum fatlaðra en þau fengu verðlaunin afhent við viðhöfn á Radisson Blu á Hótel Sögu. Þetta voru ekki einu verðlaunin sem voru afhent í dag því sundmaðurinn Jón Margeir Sverrisson fékk Afreksskjöld ÍF og Helga Olsen fékk Hvataverðlaunin 2016. Helgi Sveinsson var að fá þessa viðurkenningu annað árið í röð en Sonja í fyrsta sinn í sjö ár. Sonja endaði þá þriggja ára sigurgöngu Thelmu Bjargar Björnsdóttur sem var valin íþróttakona ársins 2012, 2013 og 2015. Helgi og Sonja eru bæði að fá þessi verðlaun í þriðja sinn. Helgi vann þau einnig 2012 og 2015 en Sonja hafði áður unnið þau 2008 og 2009.Íþróttakona ársins 2016 er Sonja Sigurðardóttir sundkona frá Íþróttafélagi fatlaðra í Reykjavík, ÍFR. Þetta er í þriðja sinn sem Sonja hlýtur nafnbótina Íþróttakona ársins úr röðum fatlaðra en hún hlaut verðlaunin einnig árin 2008 og 2009. Helsta afrek Sonju á árinu var Íslandsmet hennar í 50m baksundi á Paralympics í Ríó de Janeiro í Brasilíu. Sonja komst þá í úrslit í greininni og setti þar nýtt og glæsilegt Íslandsmet er hún kom í bakkann á tímanum 59,97 sek. Sonja hafnaði í 8. sæti í keppninni. Sonja keppti á þremur alþjóðlegum stórmótum á árinu, bar þar hæst vitaskuld þátttaka hennar á Paralympics en hún keppti einnig á opna þýska meistaramótinu og Evrópumeistaramótinu í Portúgal. Þjálfarar Sonju í gegnum tíðina hafa verið þeir Jón Heiðar Jónsson, Halldór Guðbergsson, Erlingur Þ. Jóhannsson og núverandi þjálfari hennar hjá ÍFR er Tomas Hajek.Íþróttamaður ársins 2016 er Helgi Sveinsson, spjótkastari frá Ármanni. Rétt eins og í tilfelli Sonju er þetta einnig í þriðja sinn sem Helgi hlýtur nafnbótina Íþróttamaður ársins úr röðum fatlaðra. Helgi varð fyrst íþróttamaður ársins 2013 og svo aftur 2015 og er þetta því annað árið í röð sem Helgi er útnefndur. Helsta afrek Helga á árinu var Evrópumeistaratitill í spjótkasti í sameiginlegum flokki F42,43 og 44 sem og hörð barátta hans í úrslitum spjótkastkeppninnar á Paralympics þar sem hann hafnaði í 5. sæti á nýju Paralympic-meti er hann kastaði spjótinu 53,96 metra. Þjálfari Helga í dag er Kári Jónsson en þjálfarar frá upphafi eru áðurnefndur Kári, Guðmundur Hólmar Jónsson og Einar Vilhjálmsson.Stjórn Íþróttasambands fatlaðra hefur ákveðið að veita Jóni Margeiri Sverrissyni afreksskjöld sambandsins fyrir sitt framlag til íþrótta fatlaðra. Jón er á meðal fremstu afreksmanna Íslendinga og hefur ákveðið að hætta afrekssundmennsku sinni. Í reglugerð um heiðursmerki ÍF segir: „Afreksskjöldur ÍF er silfurmerki á silfurskildi, borið í borða með íslensku fánalitunum. Skal aðeins veita þeim, sem vinna frábær íþróttaafrek og hljóta verðlaun á alþjóðlegum stórmótum.“ Jón Margeir náði hámarki ferils síns þegar hann vann til gullverðlauna á Paralympics 2012 í London. Setti Jón þátt nýtt Paralympic-met og um leið heimsmet í 200m skriðsundi í flokki S14, þroskahamlaðir. Ferill Jóns er einkar glæsilegur og hefur hann verið mörgum íþróttamanni úr röðum fatlaðra innblástur í sinni íþróttaiðkun sem og fyrirtaks fulltrúi íþrótta bæði hér innanlands sem og erlendis. Það er stjórn ÍF heiður að sæma Jón Margeir afreksskyldi sambandsins. Hvataverðlaunin 2016 hlýtur Helga Olsen. Hvataverðlaunin eru veitt einstaklingum, félagasamtökum, stofnun, fyrirtæki eða öðrum aðilum sem á framsækinn hátt hafa unnið í þágu íþróttastarfs fatlaðra á árinu Helga Olsen er kennari og skautaþjálfari. Helga kom að starfi með Íþróttasambandi fatlaðra þegar hún tók að sér þjálfun keppenda í listhlaupi á skautum fyrir alþjóðaleika Special Olympics í Japan árið 2005. Þá starfaði hún sem skautaþjálfari hjá skautafélaginu Birninum. Hún hefur leitt skautastarf fyrir fatlaða á Íslandi og starfar nú hjá skautadeild Aspar. Þar æfa einstaklinga með mismunandi fötlun og í gegnum skautastarfið hafa fjölmargir Íslendingar, fengið tækifæri til þátttöku á mótum innanland og erlendis. Helga hefur verið sérlega ötul við að ná til sérhæfðra skautaþjálfara og dómara og fá þá í lið með sér í skautastarfi fyrir fatlaða. Hún hefur með góðu fólki, skipulagt alþjóðleg skautamót á Íslandi fyrir alla fötlunarflokka og verið mjög virk í að efla greinina fyrir einstaklinga með fötlun / sérþarfir. Hún er í hlutverki íþróttagreinastjóra Special Olympics á Íslandi í skautaíþróttum og sinnir því hlutverki af miklum krafti. Helga hefur sem kennari staðið að skólaverkefni í samstarfi við Special Olympics á Íslandi en verkefnið tengdi saman nemendur og keppendur sem tóku þátt í alþjóðavetrarleikum Special Olympics. Hólabrekkuskóli hlaut verðlaun fyrir verkefnið 2013. Helga hefur aftur sett af stað skólaverkefni sem tengist alþjóðavetrarleikum Special Olympics í Austurríki árið 2017 þar sem verða 4 íslenskir keppendur. Þrátt fyrir að skautaverkefnið sé upphaflega innleitt gegnum Special Olympics á Íslandi hefur ávallt ríkt sú gegnumgangandi stefna að verkefni eiga að vera í þágu allra fötlunarhópa og Helga hefur fylgt því mjög vel eftir í sínu starfi Aðrar íþróttir Fréttir ársins 2016 Mest lesið „Þeir vilja náttúrulega fleiri leiki líka“ Körfubolti Leggur til bíl ef félagið ákveður að ræna Antony Fótbolti Uppgjörið: Grindavík - Stjarnan 95-92 | Rosalegasta endurkoma síðari ára Körfubolti Segir sína menn þurfa að vera í „meistara ásigkomulagi“ Körfubolti Dagskráin í dag: Sextán beinar útsendingar Sport Mætir bróður sínum í úrslitum: „Staðfestur titill á okkar heimili“ Handbolti Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti Brynjar Karl svarar fyrir sig: „Ég má ekki verja mig opinberlega“ Körfubolti „Ég hef hluti að gera hér“ Körfubolti Fram á lífi eftir sigur gegn Haukum Handbolti Fleiri fréttir Segir sína menn þurfa að vera í „meistara ásigkomulagi“ Dagskráin í dag: Sextán beinar útsendingar Leggur til bíl ef félagið ákveður að ræna Antony Mætir bróður sínum í úrslitum: „Staðfestur titill á okkar heimili“ „Þeir vilja náttúrulega fleiri leiki líka“ Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Uppgjörið: Grindavík - Stjarnan 95-92 | Rosalegasta endurkoma síðari ára „Ég hef hluti að gera hér“ Fram á lífi eftir sigur gegn Haukum Stjarnan áfram í Olís deildinni Íslandsmeistararnir örugglega í úrslit Brynjar Karl svarar fyrir sig: „Ég má ekki verja mig opinberlega“ De Bruyne sá til þess að meistararnir sluppu fyrir horn gegn Úlfunum „Finnst þessir fyrstu tveir leikir hræðilegir“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Haukur meistari í Rúmeníu Birti myndir af fólki, kalli það illum nöfnum og saki um einelti á meðan „Verður svakalegur leikur“ Gísli og Ómar drógust gegn meisturunum Sjáðu mörkin úr öruggum Evrópusigrum United og Spurs Faðir Haliburton fær ekki að mæta á leiki hjá Pacers Icebox aldrei stærra: „Vil færa boxi á Íslandi athyglina sem það á skilið“ Gleðin við völd í Grindavík: „Áður en við vitum af verður allt komið á fullt aftur“ Brunson sendi Pistons í sumarfrí en Clippers tryggði sér oddaleik Sjáðu sigurmark Gísla gegn Veszprém Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Fagnaðarlæti Púlara mældust á jarðskjálftamælum Sjá meira
Frjálsíþróttamaðurinn Helgi Sveinsson og sundkonan Sonja Sigurðardóttir voru í dag útnefnd íþróttamaður og íþróttakona ársins úr röðum fatlaðra en þau fengu verðlaunin afhent við viðhöfn á Radisson Blu á Hótel Sögu. Þetta voru ekki einu verðlaunin sem voru afhent í dag því sundmaðurinn Jón Margeir Sverrisson fékk Afreksskjöld ÍF og Helga Olsen fékk Hvataverðlaunin 2016. Helgi Sveinsson var að fá þessa viðurkenningu annað árið í röð en Sonja í fyrsta sinn í sjö ár. Sonja endaði þá þriggja ára sigurgöngu Thelmu Bjargar Björnsdóttur sem var valin íþróttakona ársins 2012, 2013 og 2015. Helgi og Sonja eru bæði að fá þessi verðlaun í þriðja sinn. Helgi vann þau einnig 2012 og 2015 en Sonja hafði áður unnið þau 2008 og 2009.Íþróttakona ársins 2016 er Sonja Sigurðardóttir sundkona frá Íþróttafélagi fatlaðra í Reykjavík, ÍFR. Þetta er í þriðja sinn sem Sonja hlýtur nafnbótina Íþróttakona ársins úr röðum fatlaðra en hún hlaut verðlaunin einnig árin 2008 og 2009. Helsta afrek Sonju á árinu var Íslandsmet hennar í 50m baksundi á Paralympics í Ríó de Janeiro í Brasilíu. Sonja komst þá í úrslit í greininni og setti þar nýtt og glæsilegt Íslandsmet er hún kom í bakkann á tímanum 59,97 sek. Sonja hafnaði í 8. sæti í keppninni. Sonja keppti á þremur alþjóðlegum stórmótum á árinu, bar þar hæst vitaskuld þátttaka hennar á Paralympics en hún keppti einnig á opna þýska meistaramótinu og Evrópumeistaramótinu í Portúgal. Þjálfarar Sonju í gegnum tíðina hafa verið þeir Jón Heiðar Jónsson, Halldór Guðbergsson, Erlingur Þ. Jóhannsson og núverandi þjálfari hennar hjá ÍFR er Tomas Hajek.Íþróttamaður ársins 2016 er Helgi Sveinsson, spjótkastari frá Ármanni. Rétt eins og í tilfelli Sonju er þetta einnig í þriðja sinn sem Helgi hlýtur nafnbótina Íþróttamaður ársins úr röðum fatlaðra. Helgi varð fyrst íþróttamaður ársins 2013 og svo aftur 2015 og er þetta því annað árið í röð sem Helgi er útnefndur. Helsta afrek Helga á árinu var Evrópumeistaratitill í spjótkasti í sameiginlegum flokki F42,43 og 44 sem og hörð barátta hans í úrslitum spjótkastkeppninnar á Paralympics þar sem hann hafnaði í 5. sæti á nýju Paralympic-meti er hann kastaði spjótinu 53,96 metra. Þjálfari Helga í dag er Kári Jónsson en þjálfarar frá upphafi eru áðurnefndur Kári, Guðmundur Hólmar Jónsson og Einar Vilhjálmsson.Stjórn Íþróttasambands fatlaðra hefur ákveðið að veita Jóni Margeiri Sverrissyni afreksskjöld sambandsins fyrir sitt framlag til íþrótta fatlaðra. Jón er á meðal fremstu afreksmanna Íslendinga og hefur ákveðið að hætta afrekssundmennsku sinni. Í reglugerð um heiðursmerki ÍF segir: „Afreksskjöldur ÍF er silfurmerki á silfurskildi, borið í borða með íslensku fánalitunum. Skal aðeins veita þeim, sem vinna frábær íþróttaafrek og hljóta verðlaun á alþjóðlegum stórmótum.“ Jón Margeir náði hámarki ferils síns þegar hann vann til gullverðlauna á Paralympics 2012 í London. Setti Jón þátt nýtt Paralympic-met og um leið heimsmet í 200m skriðsundi í flokki S14, þroskahamlaðir. Ferill Jóns er einkar glæsilegur og hefur hann verið mörgum íþróttamanni úr röðum fatlaðra innblástur í sinni íþróttaiðkun sem og fyrirtaks fulltrúi íþrótta bæði hér innanlands sem og erlendis. Það er stjórn ÍF heiður að sæma Jón Margeir afreksskyldi sambandsins. Hvataverðlaunin 2016 hlýtur Helga Olsen. Hvataverðlaunin eru veitt einstaklingum, félagasamtökum, stofnun, fyrirtæki eða öðrum aðilum sem á framsækinn hátt hafa unnið í þágu íþróttastarfs fatlaðra á árinu Helga Olsen er kennari og skautaþjálfari. Helga kom að starfi með Íþróttasambandi fatlaðra þegar hún tók að sér þjálfun keppenda í listhlaupi á skautum fyrir alþjóðaleika Special Olympics í Japan árið 2005. Þá starfaði hún sem skautaþjálfari hjá skautafélaginu Birninum. Hún hefur leitt skautastarf fyrir fatlaða á Íslandi og starfar nú hjá skautadeild Aspar. Þar æfa einstaklinga með mismunandi fötlun og í gegnum skautastarfið hafa fjölmargir Íslendingar, fengið tækifæri til þátttöku á mótum innanland og erlendis. Helga hefur verið sérlega ötul við að ná til sérhæfðra skautaþjálfara og dómara og fá þá í lið með sér í skautastarfi fyrir fatlaða. Hún hefur með góðu fólki, skipulagt alþjóðleg skautamót á Íslandi fyrir alla fötlunarflokka og verið mjög virk í að efla greinina fyrir einstaklinga með fötlun / sérþarfir. Hún er í hlutverki íþróttagreinastjóra Special Olympics á Íslandi í skautaíþróttum og sinnir því hlutverki af miklum krafti. Helga hefur sem kennari staðið að skólaverkefni í samstarfi við Special Olympics á Íslandi en verkefnið tengdi saman nemendur og keppendur sem tóku þátt í alþjóðavetrarleikum Special Olympics. Hólabrekkuskóli hlaut verðlaun fyrir verkefnið 2013. Helga hefur aftur sett af stað skólaverkefni sem tengist alþjóðavetrarleikum Special Olympics í Austurríki árið 2017 þar sem verða 4 íslenskir keppendur. Þrátt fyrir að skautaverkefnið sé upphaflega innleitt gegnum Special Olympics á Íslandi hefur ávallt ríkt sú gegnumgangandi stefna að verkefni eiga að vera í þágu allra fötlunarhópa og Helga hefur fylgt því mjög vel eftir í sínu starfi
Aðrar íþróttir Fréttir ársins 2016 Mest lesið „Þeir vilja náttúrulega fleiri leiki líka“ Körfubolti Leggur til bíl ef félagið ákveður að ræna Antony Fótbolti Uppgjörið: Grindavík - Stjarnan 95-92 | Rosalegasta endurkoma síðari ára Körfubolti Segir sína menn þurfa að vera í „meistara ásigkomulagi“ Körfubolti Dagskráin í dag: Sextán beinar útsendingar Sport Mætir bróður sínum í úrslitum: „Staðfestur titill á okkar heimili“ Handbolti Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti Brynjar Karl svarar fyrir sig: „Ég má ekki verja mig opinberlega“ Körfubolti „Ég hef hluti að gera hér“ Körfubolti Fram á lífi eftir sigur gegn Haukum Handbolti Fleiri fréttir Segir sína menn þurfa að vera í „meistara ásigkomulagi“ Dagskráin í dag: Sextán beinar útsendingar Leggur til bíl ef félagið ákveður að ræna Antony Mætir bróður sínum í úrslitum: „Staðfestur titill á okkar heimili“ „Þeir vilja náttúrulega fleiri leiki líka“ Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Uppgjörið: Grindavík - Stjarnan 95-92 | Rosalegasta endurkoma síðari ára „Ég hef hluti að gera hér“ Fram á lífi eftir sigur gegn Haukum Stjarnan áfram í Olís deildinni Íslandsmeistararnir örugglega í úrslit Brynjar Karl svarar fyrir sig: „Ég má ekki verja mig opinberlega“ De Bruyne sá til þess að meistararnir sluppu fyrir horn gegn Úlfunum „Finnst þessir fyrstu tveir leikir hræðilegir“ Goðsögnin Popovich hættur í þjálfun Þurfti bara eitt orð um mestu áskorunina við að mæta Njarðvík Haukur meistari í Rúmeníu Birti myndir af fólki, kalli það illum nöfnum og saki um einelti á meðan „Verður svakalegur leikur“ Gísli og Ómar drógust gegn meisturunum Sjáðu mörkin úr öruggum Evrópusigrum United og Spurs Faðir Haliburton fær ekki að mæta á leiki hjá Pacers Icebox aldrei stærra: „Vil færa boxi á Íslandi athyglina sem það á skilið“ Gleðin við völd í Grindavík: „Áður en við vitum af verður allt komið á fullt aftur“ Brunson sendi Pistons í sumarfrí en Clippers tryggði sér oddaleik Sjáðu sigurmark Gísla gegn Veszprém Eigandi Chelsea þekkti ekki Ruud Gullit Juventus-parið hætt saman Draumaendir Bjarka á ferlinum: „Loksins fann ég þjálfara sem virkilega skildi mig“ Fagnaðarlæti Púlara mældust á jarðskjálftamælum Sjá meira
Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti
Leik lokið: Valur - Afturelding 33-29 | Afturelding send í sumarfrí og Valsmenn leika til úrslita
Leik lokið: Valur - Afturelding 33-29 | Afturelding send í sumarfrí og Valsmenn leika til úrslita Handbolti