Slökkviliðið kallað að N1

Slökkviliðið var kallað að húsnæði N1 í Ártúnsbrekkunni rétt fyrir hádegið. Mikinn reyk lagði frá pizzaofni Eldsmiðjunnar sem ofhitnaði.

Samkvæmt upplýsingum fréttastofu fóru slökkviliðsmenn upp á þak hússins til að rífa frá röri sem liggur úr ofninum og kanna betur í kringum það. Varðstjóri hjá slökkviliðinu segir að ekki hafi verið mikill eldur en talsvert sviðnað í rörinu og því hafi reykurinn orðið þetta mikill.

Einungis um vika er frá því að pizzustaðurinn opnaði í húsnæði N1.