Íslenskir verkfræðinemar aka nýjum kappaksturbíl á Silverstone-kappaksturbrautinni í Englandi

Jóhann K. Jóhannsson skrifar 20. júní 2016 00:41

Síðan í haust hafa um 40 nemendur í verkfræðideildum Háskóla Íslands í samstarfi við Listaháskóla Íslands, unnið að því að smíða kappakstursbíl þar sem áhersla er lögð á rafknúinn og umhverfisvænana bíl.

„Þetta er rosalega skemmtilegt og þverfagleg verkefni. Fáum að tækla marga skemmtilega vinkla, allt frá hönnun og markaðsetningu, viðskiptaplan og saminga við styrktaraðila. Þetta er rosalega skemmtilegt verkefni” segir Snorri Tómasson, einn af þeim sem komið hafa að hönnun bílsins.”

Verkfræðinemar þessa árs nýttu sér hönnun kappakstursbíls sem verkfræðinemar síðasta árs gerðu

En þó með þó nokkrum endurbótum.

„Við ákváðum að að nýta okkur þekkinguna frá því í fyrra og byggðum rosalega mikið ofan á það sem var gert vel og löguðum það sem mátti laga. Þannig að í ár tókst okkur að hafa drifháan bíl í mars sem var markmiðið okkar í upphafi. Og það er alveg frábært að okkur tókst það.” Sagði Sigríður Borghildur Jónsdóttir samnemandi Snorra.

Nemarnir segja að bíllinn nái allt að 110 km/hraða en sé takmarkaður við það öryggisins vegna en bílnum verið ekið meðal annars á hinni sögufrægu kappaksturbraut Silverstone í Englandi. Samnemendur þeirra Snorra og Sigríðar þau Júlía Arnardóttir og Andri Orrason eru einnig spennt fyrir keppninni.“Þetta er mjög flott, alvöru formúlu eitt braut. Mjög flott.”

Miðað við gengi íslensku verkfærðingana á síðustu árum er hópurinn vongóður um að

vel gangi líka í ár.

„Ég er að vonast til að við verðum í efsta fjórðungnum núna þegar að við náum að keyra og ég held að það sé alveg raunhæft markmið” segir Júlía.

Nú er bara spurningin hvort hópurinn leggi þetta fyrir sig í framtíðinni.

„Hver veit, maður veit aldrei hvar maður endar þannig að það kemur í ljós” segir Sigríður og Snorri bætir við; “Þetta er vonandi bara upphafið að einhverju skemmtilegu hér heima í Íslandi í þessum geira.”

Mest lesið

Fleiri fréttir