Varasamt að vera á ferð á húsbílum eða með aftanívagna

Veðurstofan varar við hvassri norðaustanátt suðaustanlands fram eftir degi, einkum sunnan og Vatnajökuls. Varasamt verður að vera þar á ferð á húsbílum eða með aftanívagna vegna vindstrengja, en einnig er búist við vatnavöxtum á þessum slóðum.

Á vef Veðurstofunnar segir að nú sitji lægð fyrir sunnan okkur og beini austanáttum að okkur næstu daga. Henni muni fylgja mikið vatnsveður, norðaustanslagveðurhvassviðri, á Austfjörðum og austantil á Suðausturlandi fram eftir degi.  Því verði varasamt að vera með aftanívagna. Heldur hægari og úrkomuminna á þessum slóðum í nótt og á morgun.

Í öðrum landshlutum verður hægari vindur. Dálítil rigning með köflum vestanlands en úrkomulítið á Norðurlandi. Hiti átta til tuttugu stig, svalast í rigningunni. Suðvestlægar áttir á fimmtudag og föstudag og skýjað vestantil en bjartviðri og allt að tuttugu stiga hiti austantil á landinu. Útlit er fyrir að rigning verði um sunnan- og vestanvert landið næsta laugardag.