Þriðja hvert barn í miðbæ keyrt í skóla

Reykjavík prósent barna í mið- og vesturbæ eru keyrð í skólann. Börn í Árbæ og Breiðholti eru líklegri til að ganga sjálf og um tíunda hvert barn keyrt í skólann. Þetta kemur fram í netkönnun sem Gallup gerði fyrir Reykjavíkurborg. 1.073 voru í úrtaki og 61 prósent svarhlutfall.

Fullorðna fólkið var duglegra að taka strætó í vinnuna á síðasta ári en árið 2014. Þrettán prósent fóru með strætó, tólf prósent gengu og 65 prósent keyrðu. Mið- og Vesturbæingar voru þar vistvænastir.

Einnig kemur fram í könnuninni að Laugardalurinn, Reykjavíkurtjörn og Elliðaárdalur eru fjölsóttustu útivistarsvæðin í borginni. Nauthólsvík, Öskjuhlíð, Klambra­tún og Fossvogur njóta líka vinsælda. Niðurstöður könnunarinnar sýna líka að 74 prósent borgarbúa eru ánægð með göngugötur í miðborginni á sumrin.