Fullkomin endurkoma Phil Collins hjá Jimmy Fallon

Phil Collins kom fram í spjallþætti Jimmy Fallon, The Tonight Show, í vikunni og flutti hann lagið In the Air Tonight sem hann gerði garðinn frægan með á sínum tíma.

Collins hefur ekki komið fram í ein sex ár en um þessar mundir er hann að gefa út þrefalda safnplötu ásamt ævisögu sinni. Hann er því mættur aftur í sviðsljósið og fagna því eflaust margir.

Phil Collins á milljónir aðdáenda um heim allan. Hann var bæði trymbill og söngvari sveitarinnar Genesis og fór síðar að einbeita sér að sólóferli sínum.

Hér að neðan má flutning Collins hjá Fallon.