Verður bjartara með hverjum deginum: Gullfalleg sólarupprás í morgun

Einhverjir íbúar höfuðborgarsvæðisins hafa eflaust tekið eftir fallegri sólarupprás í morgun en nú þegar mánuður er liðinn frá vetrarsólstöðum lengist sá tími sem bjart er úti örlítið með hverjum deginum.

Samkvæmt upplýsingum á vef Veðurstofunnar birti af degi í Reykjavík klukkan 9:38 í dag og varð sólris rúmum klukkutíma síðar, eða klukkan 10:41. Sólarlag verður síðan klukkan 16:37 og verður komið myrkur klukkan 17:42.

Meðfylgjandi myndir tók Kristjana Símonardóttir af sólarupprás morgunsins.

Ef þú átt mynd af sólarupprásinni í morgun máttu endilega senda hana á ritstjorn@visir.is.