Útilokar ekki Sanna Finna

Juha Sipilä, leiðtogi Miðflokksins í Finnlandi, ætlar að ræða við alla leiðtoga stjórnmálaflokkanna og aðila vinnumarkaðarins og atvinnulífsins fyrir komandi stjórnarmyndunarviðræður.

Hann hefur ekki útilokað neinn flokk frá stjórn og segir að úrslit kosninganna muni ekki skipta máli í stjórnarmyndunarviðræðum heldur muni sameiginlegur málefnagrundvöllur tilvonandi stjórnarflokka ráða för.

Sipilä segir að hann muni vanda sig við stjórnarmyndunina og segir að ný ríkisstjórn gæti tekið við völdum innan mánaðar.