Sumarið kemur með þurrkuðum þorskshausum

Vigdís Hauksdóttir, þingmaður Framsóknarflokksins, fagnaði komu sumarsins í gær með heimsókn á æskuslóðir sínar. Á Stóru-Reykjum í Hraungerðishreppi býr bróðir hennar en hún segir sumarið koma með matnum.

„Ég er að ná mér í þurrkaða þorskshausa. Það er svo mikil sumarkoma að ná sér í slíkt. Þeir eru bestir í heimi með smjöri og mjólk,“ segir Vigdís.

Hún segist jafnan fara á þessar æskuslóðir til að innbyrða vorið. „Hér svo mikið af lóum, gæsum og bara öllum farfuglum. Þeir eru úti um öll tún,“ segir Vigdís og óskar landsmönnum öllum gleðilegs sumars.