Aðdáandi nafna síns

Gísli Marteinn Baldursson, fyrrverandi borgarfulltrúi, er aðdáandi rapparans Gísla Pálma. Gísli Marteinn staðfesti þetta á Twitter í gær, skömmu eftir að plata Gísla Pálma kom út.

„Er með nokkur járn í eldinum til að fá diskinn með flugvél hingað á næstu dögum,“ tísti borgarfulltrúinn fyrrverandi sem er búsettur í Boston, þar sem hann er við nám.

Plata Gísla Pálma kom út í gær og hlaut góðar móttökur. Hún setti sölumet í Smekkleysu og er vinsælasta platan í sögu verslunarinnar, ásamt plötunni Kveikur með Sigur rós.