Tveir grunaðir um að hafa ætlað að fremja hryðjuverk í Brussel

Belgíska lögreglan hefur handtekið tvo einstaklinga sem grunaðir eru um að hafa verið að skipuleggja árásir í Brussel á gamlársdag. Fólkið var handtekið á mánudag, á tveimur stöðum í landinu, að því er segir á vef BBC.

Lögregla lagði í húsleit hald á hermannabúninga og áróðursrit en engin vopn fundust. Hæsta viðbúnaðarstig hefur verið í gildi í Belgíu frá því í nóvember þegar mannskæðar árásir voru gerðar í París. Margir árásarmannanna eru taldir hafa búið í Belgíu.

Ekki hefur verið greint frá þjóðerni fólksins né kyni.