Leit hefst á nýjan leik

Skipulögð leit hefst á ný í birtingu við Ölfusá að manni sem talið er að hafi fallið í ánna aðfaranótt laugardags. Um hundrað og tuttugu manns tóku þátt í leitinni í gær en dregið var úr umfangi hennar í gærkvöldi. Sjónpóstar voru við ánna og Óseyrarbrú í nótt. Í samtali við fréttastofu segir Tryggi Hjörtur Oddsson, formaður Björgunarfélags Árborgar, að von sé á um sextíu leitarmönnum á svæðið.

Að sögn Tryggva hafa aðstæður breyst í nótt. Áin hafi hreinsast af ís en hún var nær ísilögð í gær. Þá hefur leitarsvæðið verið stækkað og leitarmenn munu leita á bátum í dag.

Mannsins hefur verið leitað frá því á þriðja tímanum í gærnótt en bíll mannsins fannst við Selfosskirkju. Leitarmenn notuðust meðal annars við dróna auk þess að brúða var sett í ánna svo hægt væri að kanna hvaða leið manninn gæti hafa rekið.