Rannsókn á starfsháttum lögreglu í Baltimore

Stephanie Rawlings-Blake, borgarstjóri Baltimore, hefur óskað eftir rannsókn á starfsháttum lögreglu í borginni. Fór hún þess á leit við dómsmálaráðuneyti Bandaríkjanna í gær.

Á blaðamannafundi í gær sagðist Rawlings-Blake ætla að gera allt sem í hennar valdi stendur til að samfélagið öðlist traust á lögreglunni á ný. Meðal annars muni allir lögreglumenn í borginni bera á sér myndavélar frá og og með næsta  ári.

Áætlanir þessar koma í kjölfarið af miklum mótmælum eftir dauða Freddie Gray, sem lést í haldi lögreglu í síðasta mánuði.