Verð að heyra í dóttur minni áður en ég fer í búrið Henry Birgir Gunnarsson skrifar 23. nóvember 2015 06:00 Stoltir Evrópumeistarar með verðlaunin sín í gær. mynd/kjartan páll sæmundsson Helgin var heldur betur góð fyrir keppnislið Mjölnis sem tók þátt á Evrópumeistaramóti áhugamanna í MMA eða blönduðum bardagalistum. Íslenska liðið kemur heim frá Englandi með þrenn verðlaun í dag. Sunna Rannveig Davíðsdóttir og Bjarki Þór Pálsson urðu bæði Evrópumeistarar og Pétur Jóhannes Óskarsson fékk brons í sínum flokki. Þetta var í fyrsta sinn sem Evrópumót áhugamanna í MMA er haldið og voru skráðir keppendur 130 frá þrjátíu löndum. Bjarki Þór lagði Búlgarann og heimsmeistarann Dorian Dermendzhiev í mögnuðum bardaga í veltivigt sem fór alla leið. Allir dómararnir voru sammála um að Bjarki hefði haft betur en hann var ekki fjarri því að klára bardagann í lokalotunni. Yfirburðir hans leyndu sér þó ekki en Búlgarinn hafði klárað alla aðra andstæðinga sína í fyrstu lotu. Sunna Rannveig mætti hinni sænsku Önju Saxmark í úrslitum og kláraði hana með tæknilegu rothöggi í annarri lotu. Frábær árangur. „Ég er alveg í skýjunum núna. Þetta er búin að vera ótrúleg vika hjá okkur öllum. Ég er ótrúlega ánægð og stolt,“ segir Sunna Rannveig en hún var enn að ná sér niður á jörðina er íþróttadeild heyrði í henni. Árangurinn kom henni ekki á óvart. „Ég kom hingað til þess að vinna þetta mót.“ Ætla mér að fara alla leiðÍslenski hópurinn sem tók þátt á EM.mynd/kjartan páll sæmundssonSunna Rannveig segist hafa verið svolítið stressuð fyrir fyrsta bardagann sinn í mótinu en í gær var ekkert slíkt uppi á teningnum. „Ég var minnst stressuð fyrir úrslitabardagann. Mér leið betur með hverjum deginum og leið bara virkilega vel fyrir úrslitin. Þessi sænska stelpa er mjög góð í búrinu og einnig utan þess. Ég hef spjallað mikið við hana og kann afar vel við hana. Ég hafði bara betur að þessu sinni.“ Þessi þrítuga bardagakona segist seint munu gleyma stundinni er hún steig upp á verðlaunapallinn og svo var íslenski þjóðsöngurinn leikinn henni til heiðurs. „Það var alveg mögnuð stund. Þetta var óraunverulegt en samt svo fallegt. Það tók tíma að gera sér grein fyrir þessu og ég er enn að því en þó með gleði í hjarta,“ segir Sunna. Hún á ellefu ára gamla dóttur, Önnu Rakel, og fyrsta verk eftir verðlaunaafhendinguna var að heyra í dótturinni. „Ég heyrði í henni alveg um leið og ég var farin af pallinum. Ég heyri líka alltaf í henni fyrir bardaga og röddin hennar er venjulega það síðasta sem ég heyri áður en ég fer í hringinn. Mér líður alltaf vel þegar ég hef heyrt í henni.“ Sunna Rannveig ætlar ekki að láta hér við sitja enda á hún sér stærri drauma. „Ég hef lengi verið að velta fyrir mér að fara í atvinnumennsku. Ég held að það verði bara næsta skref hjá mér. Þetta hefur verið mjög erfitt. Ég er að vinna mikið með æfingunum sem eru líka í rauninni full vinna. Það væri frábært að fá styrktaraðila sem gætu gert mér það kleift að einbeita mér algjörlega að íþróttinni,“ segir Sunna og bætir við að hún sé afar þakklát fyrir þá styrktaraðila sem hafa hjálpað henni á síðustu árum. „Stóra markmiðið er síðan að komast inn í UFC. Ég er staðráðin í því að fara alla leið.“ MMA Mest lesið Íslenskur doktorsnemi Englandsmeistari: Rannsakar prótín og skorar af línunni í Oxford Sport Bastarður ráðinn til starfa Fótbolti Elsti leikmaðurinn til að fá MVP atkvæði Körfubolti Ísak Bergmann hljóp mest allra Fótbolti Gary Martin aftur í ensku deildina Fótbolti Furðu erfitt að mæta systur sinni Fótbolti Ítalíumeistararnir að landa De Bruyne Fótbolti Dagskráin í dag: Íslenski boltinn og sitthvað fleira Sport Daði Berg: Eiginlega ekki við hæfi barna Fótbolti Úlfarnir bitu frá sér og unnu 42 stiga sigur Körfubolti Fleiri fréttir Real Madrid staðfestir loks komu Xabi Alonso Ítalíumeistararnir að landa De Bruyne Úlfarnir bitu frá sér og unnu 42 stiga sigur Elsti leikmaðurinn til að fá MVP atkvæði Ísak Bergmann hljóp mest allra Íslenskur doktorsnemi Englandsmeistari: Rannsakar prótín og skorar af línunni í Oxford Dagskráin í dag: Íslenski boltinn og sitthvað fleira Bastarður ráðinn til starfa Furðu erfitt að mæta systur sinni „Ég hefði getað sett þrjú“ Daði Berg: Eiginlega ekki við hæfi barna Gary Martin aftur í ensku deildina Stórleikur Martins dugði ekki til og Alba Berlin úr leik Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Arsenal vann Meistaradeildina í annað sinn Uppgjörið: Víkingur - ÍA 2-1 | Víkingar tylltu sér á toppinn Uppgjör: Vestri - Stjarnan 3-1 | Ísfirðingar sneru við taflinu í seinni hálfleik Markaveisla í Grindavík og dramatík á Húsavík Lando Norris hrifsaði til sín ráspólinn á elleftu stundu Ancelotti og Modric kvaddir með sigri Sjáðu laglegt sigurmark Ídu gegn meisturunum og vítavörslu Kötlu Uppgjörið: KA - Afturelding 1-0 | KA af botninum Sunderland vann milljónaleikinn og komst upp í úrvalsdeildina Þorsteinn Leó með fimm í mikilvægum sigri Uppgjörið: Þór/KA - Stjarnan 1-0 | Mark Söndru Maríu skildi á milli Melsungen komst ekki í úrslitaleikinn Katla gulltryggði sigurinn gegn toppliðinu Salah bestur og Gravenberch besti ungi Matic reyndist sannspár með söluna á McTominay Tugir þúsunda fögnuðu á götum Napoli Sjá meira
Helgin var heldur betur góð fyrir keppnislið Mjölnis sem tók þátt á Evrópumeistaramóti áhugamanna í MMA eða blönduðum bardagalistum. Íslenska liðið kemur heim frá Englandi með þrenn verðlaun í dag. Sunna Rannveig Davíðsdóttir og Bjarki Þór Pálsson urðu bæði Evrópumeistarar og Pétur Jóhannes Óskarsson fékk brons í sínum flokki. Þetta var í fyrsta sinn sem Evrópumót áhugamanna í MMA er haldið og voru skráðir keppendur 130 frá þrjátíu löndum. Bjarki Þór lagði Búlgarann og heimsmeistarann Dorian Dermendzhiev í mögnuðum bardaga í veltivigt sem fór alla leið. Allir dómararnir voru sammála um að Bjarki hefði haft betur en hann var ekki fjarri því að klára bardagann í lokalotunni. Yfirburðir hans leyndu sér þó ekki en Búlgarinn hafði klárað alla aðra andstæðinga sína í fyrstu lotu. Sunna Rannveig mætti hinni sænsku Önju Saxmark í úrslitum og kláraði hana með tæknilegu rothöggi í annarri lotu. Frábær árangur. „Ég er alveg í skýjunum núna. Þetta er búin að vera ótrúleg vika hjá okkur öllum. Ég er ótrúlega ánægð og stolt,“ segir Sunna Rannveig en hún var enn að ná sér niður á jörðina er íþróttadeild heyrði í henni. Árangurinn kom henni ekki á óvart. „Ég kom hingað til þess að vinna þetta mót.“ Ætla mér að fara alla leiðÍslenski hópurinn sem tók þátt á EM.mynd/kjartan páll sæmundssonSunna Rannveig segist hafa verið svolítið stressuð fyrir fyrsta bardagann sinn í mótinu en í gær var ekkert slíkt uppi á teningnum. „Ég var minnst stressuð fyrir úrslitabardagann. Mér leið betur með hverjum deginum og leið bara virkilega vel fyrir úrslitin. Þessi sænska stelpa er mjög góð í búrinu og einnig utan þess. Ég hef spjallað mikið við hana og kann afar vel við hana. Ég hafði bara betur að þessu sinni.“ Þessi þrítuga bardagakona segist seint munu gleyma stundinni er hún steig upp á verðlaunapallinn og svo var íslenski þjóðsöngurinn leikinn henni til heiðurs. „Það var alveg mögnuð stund. Þetta var óraunverulegt en samt svo fallegt. Það tók tíma að gera sér grein fyrir þessu og ég er enn að því en þó með gleði í hjarta,“ segir Sunna. Hún á ellefu ára gamla dóttur, Önnu Rakel, og fyrsta verk eftir verðlaunaafhendinguna var að heyra í dótturinni. „Ég heyrði í henni alveg um leið og ég var farin af pallinum. Ég heyri líka alltaf í henni fyrir bardaga og röddin hennar er venjulega það síðasta sem ég heyri áður en ég fer í hringinn. Mér líður alltaf vel þegar ég hef heyrt í henni.“ Sunna Rannveig ætlar ekki að láta hér við sitja enda á hún sér stærri drauma. „Ég hef lengi verið að velta fyrir mér að fara í atvinnumennsku. Ég held að það verði bara næsta skref hjá mér. Þetta hefur verið mjög erfitt. Ég er að vinna mikið með æfingunum sem eru líka í rauninni full vinna. Það væri frábært að fá styrktaraðila sem gætu gert mér það kleift að einbeita mér algjörlega að íþróttinni,“ segir Sunna og bætir við að hún sé afar þakklát fyrir þá styrktaraðila sem hafa hjálpað henni á síðustu árum. „Stóra markmiðið er síðan að komast inn í UFC. Ég er staðráðin í því að fara alla leið.“
MMA Mest lesið Íslenskur doktorsnemi Englandsmeistari: Rannsakar prótín og skorar af línunni í Oxford Sport Bastarður ráðinn til starfa Fótbolti Elsti leikmaðurinn til að fá MVP atkvæði Körfubolti Ísak Bergmann hljóp mest allra Fótbolti Gary Martin aftur í ensku deildina Fótbolti Furðu erfitt að mæta systur sinni Fótbolti Ítalíumeistararnir að landa De Bruyne Fótbolti Dagskráin í dag: Íslenski boltinn og sitthvað fleira Sport Daði Berg: Eiginlega ekki við hæfi barna Fótbolti Úlfarnir bitu frá sér og unnu 42 stiga sigur Körfubolti Fleiri fréttir Real Madrid staðfestir loks komu Xabi Alonso Ítalíumeistararnir að landa De Bruyne Úlfarnir bitu frá sér og unnu 42 stiga sigur Elsti leikmaðurinn til að fá MVP atkvæði Ísak Bergmann hljóp mest allra Íslenskur doktorsnemi Englandsmeistari: Rannsakar prótín og skorar af línunni í Oxford Dagskráin í dag: Íslenski boltinn og sitthvað fleira Bastarður ráðinn til starfa Furðu erfitt að mæta systur sinni „Ég hefði getað sett þrjú“ Daði Berg: Eiginlega ekki við hæfi barna Gary Martin aftur í ensku deildina Stórleikur Martins dugði ekki til og Alba Berlin úr leik Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Arsenal vann Meistaradeildina í annað sinn Uppgjörið: Víkingur - ÍA 2-1 | Víkingar tylltu sér á toppinn Uppgjör: Vestri - Stjarnan 3-1 | Ísfirðingar sneru við taflinu í seinni hálfleik Markaveisla í Grindavík og dramatík á Húsavík Lando Norris hrifsaði til sín ráspólinn á elleftu stundu Ancelotti og Modric kvaddir með sigri Sjáðu laglegt sigurmark Ídu gegn meisturunum og vítavörslu Kötlu Uppgjörið: KA - Afturelding 1-0 | KA af botninum Sunderland vann milljónaleikinn og komst upp í úrvalsdeildina Þorsteinn Leó með fimm í mikilvægum sigri Uppgjörið: Þór/KA - Stjarnan 1-0 | Mark Söndru Maríu skildi á milli Melsungen komst ekki í úrslitaleikinn Katla gulltryggði sigurinn gegn toppliðinu Salah bestur og Gravenberch besti ungi Matic reyndist sannspár með söluna á McTominay Tugir þúsunda fögnuðu á götum Napoli Sjá meira